പശുക്കള് പറമ്പിലേക്ക് എത്തുന്നതിനെ ചൊല്ലി തര്ക്കത്തിനൊടുവിൽ അട്ടപ്പാടിയില് ആദിവാസി ദമ്പതികളെ അയല്വാസി വെടിവെച്ചു. ചെല്ലി, നഞ്ചന് എന്നിവര്ക്ക് നേരെയാണ് വെടിയുതിര്ത്തത്. ഈശ്വര സ്വാമി കൗണ്ടര് എന്നയാളാണ് വെടി വെച്ചത്. ഇയ്യാളെ പോലീസ് അറസ്റ്റ് ചെയിതു. കഴിഞ്ഞ കുറച്ച് കാലങ്ങളായി ഈശ്വരൻ്റെ പറമ്പിലേക്ക് അയൽവാസിയായ ചെല്ലിയുടെ കന്നുകാലികൾ കയറുന്നതിനെ ചൊല്ലി തർക്കം നിലനിൽക്കുന്നുണ്ടായിരുന്നു. ഇന്നലെയും ഇതേച്ചൊല്ലി ഇരുകൂട്ടരും തമ്മില് വാക്കേറ്റമുണ്ടായി. ഇതിനിടെയായിരുന്നു ഈശ്വര സ്വാമി കൗണ്ടര് വീടിനുള്ളിലേക്ക് പോയി വലിയ എയര്ഗണ്ണെടുത്ത് തിരിച്ചെത്തി വെടിയുതിര്ത്തത്.
 |
| വീഡിയോ കാണാന് ക്ലിക്ക് ചെയ്യു |
തോക്കുമായെത്തുന്നത് കണ്ട് അടുത്തുള്ള മരക്കൂട്ടത്തിലേക്ക് ഓടിമാറിയതിനാല് വെടിയേല്ക്കാതെ രക്ഷപെട്ടെന്ന് ദമ്പതികള് പറഞ്ഞു. ചെല്ലിയുടെ പരാതിയില് സ്ഥലത്തെത്തിയ അഗളി പോലീസ് ഈശ്വര സ്വാമി കൗണ്ടറെ അറസ്റ്റ് ചെയ്തു. തോക്കും കസ്റ്റഡിയിലെടുത്തു. ഇയാള്ക്കെതിരെ വധശ്രമത്തിനും ആയുധം കൈവശം വെച്ചതിനും കേസ് എടുത്തതായി പോലീസ് വ്യക്തമാക്കി.
