ഇടുക്കി: 2018-ലെ പ്രളയത്തിനുശേഷം ഇടുക്കി ഡാമിന്റെ ഷട്ടര് ഇന്ന് പതിനൊന്ന് മണിയോടെ തുറക്കും. അണക്കെട്ടിന്റെ ചരിത്രത്തില് ഇത് അഞ്ചാം തവണയാണ് തുറക്കാന് പോകുന്നത്. ഇടുക്കി പദ്ധതിയിലെ ചെറുതോണി ഡാമിന്റെ മൂന്ന് ഷട്ടറുകള് 35 സെന്റീമീറ്റര് വീതമാകും ഉയര്ത്തുക. താഴെ പെരിയാര് തീരങ്ങളിലുള്ളവര് ജാഗ്രത പാലിക്കാന് നിർദ്ദേശം ജില്ലാ ഭരണകൂടം . സെക്കന്ഡില് ഒരു ലക്ഷം ലിറ്റര് വെള്ളം പുറത്തേക്കൊഴുകും.
വെള്ളം നിയന്ത്രിക്കാനുള്ള നിലവിലെ റൂള് കര്വ് പ്രകാരം 2397.8 അടി എത്തിയാല് റെഡ് അലെർട് പുറപ്പെടുവിക്കണം. നിലവില് ഡാമിലെ ജലനിരപ്പ് 2397.96 അടി എത്തിയിട്ടുണ്ട്. 2398.86 അടി പരമാവധി സംഭരിക്കാന് അനുമതിയുണ്ടെങ്കിലും ആ അളവില് ജലനിരപ്പ് നിയന്ത്രിച്ചു നിര്ത്തണമെങ്കില് റെഡ് അലെർട് ജാഗ്രത കഴിഞ്ഞാല് ഷട്ടറുകള് തുറക്കണം. ഇടുക്കി പദ്ധതിയുടെ ഭാഗമായ ചെറുതോണി ഡാമില് മാത്രമേ ഷട്ടര് സംവിധാനമുള്ളൂ. ഇടുക്കി ആര്ച്ച് ഡാമിനും കുളമാവ് ഡാമിനും ഷട്ടറുകളില്ല.
മൂന്നുവര്ഷത്തിനുശേഷം വീണ്ടുമൊരിക്കല്കൂടി ഇടുക്കി അണക്കെട്ടിന്റെ ഷട്ടറുകള് തുറക്കുമ്പോള് കുറ്റമറ്റ മുന്നൊരുക്കങ്ങളാണ് നടക്കുന്നത്. തെല്ലൊരു ആശങ്കയുണ്ടെങ്കിലും അണക്കെട്ട് വീണ്ടും തുറക്കുന്നതിന്റെ കൗതുകവുമുണ്ട്. വെള്ളമൊഴുകിപ്പോകുന്ന പെരിയാറിന്റെ തീരത്തുള്ളവര്ക്ക് ജാഗ്രതാ നിര്ദേശം നല്കിയിട്ടുണ്ട്.
