പാലായിലും സമീപ പ്രദേശങ്ങളിലും നിങ്ങളുടെ വിശേഷാവസരങ്ങൾ HD ലൈവ് സ്ട്രീം ചെയ്യുന്നതിനായി വിളിക്കൂ.. 85901 76743
ഗവേഷണ റാങ്കിങ്ങ് രംഗത്തെത്ത പ്രശസ്തരായ എ.ഡി. സൈന്റിഫിക് ഇൻഡക്സ് ലോകത്തിലെ ശാസ്ത്രജ്ഞൻമാർക്കായി നടത്തിയ റാങ്കിങ്ങിൽ കേരളത്തിൽ ഒന്നാം സ്ഥാനം നിലനിർത്തി മഹാത്മാഗാന്ധി സർവ്വകലാശാല വൈസ് ചാൻസലറും നാനോ-പോളിമർ സയൻസ് രംഗത്തെ പ്രമുഖ ശാസ്ത്രജ്ഞനുമായ ഡോ.സാബു തോമസ്. ശാസ്ത്രജ്ഞമാരുടെ ഗവേഷണ ഫലങ്ങളേയും ഗവേഷണ പ്രവർത്തനങ്ങളെയും ശാസ്ത്രീയമായി മൂല്യനിർണയം നടത്തുന്ന എച്ച്. സൂചിക, ഐ-10 സൂചിക, മറ്റ് ഗവേഷണ പ്രബന്ധങ്ങളിൽ ഉപയോഗിച്ചിട്ടുളള ഉദ്ധരണികൾ തുടങ്ങിയ മാനദണ്ഡങ്ങളുടെ അടിസ്ഥാനത്തിൽ കേരളത്തിൽ മുന്നിട്ട് നിൽക്കുന്നത് പ്രൊഫ.സാബു തോമസാണ്.
ഇക്കാര്യങ്ങളിലെല്ലാം ആകെയുള്ള സ്കോറും കഴിഞ്ഞ അഞ്ചു വർഷത്തെ സ്കോറും പ്രത്യേകമായി പരിഗണിച്ചാണ് റാങ്കിങ്ങ് രേഖപ്പെടുത്തിയിട്ടുള്ളത്. പ്രൊഫ സാബു തോമസിന് എച്ച്-സൂചികയിൽ ആകെ 120 സ്കോറും ഐ-10 സൂചികയിൽ ആകെ 988 സ്കോറും ലഭിച്ചിട്ടുണ്ട്. പ്രൊഫ സാബു തോമസിന്റെ ഗവേഷണ പ്രബന്ധങ്ങളിൽ നിന്നുള്ള 70681 ഉദ്ധരണികൾ (സൈറ്റേഷൻ) മറ്റ് ഗവേഷകർ അവരുടെ പ്രബന്ധങ്ങളിൽ ഉപയോഗിച്ചിട്ടുണ്ട്.
ഇന്ത്യയിൽ എച്ച്-സൂചികയിൽ 19-ാം സ്ഥാനവും ഐ-10 സൂചികയിൽ 8-ാം സ്ഥാനവും സൈറ്റേഷനുകളുടെ കാര്യത്തിൽ 29-ാം സ്ഥാനവുമാണ് അദ്ദേഹത്തിനുള്ളത്. ലോക റാങ്കിങ്ങിൽ ഇത് യഥാക്രമം 2513, 325, 3206 എന്ന ക്രമത്തിലാണ്. ഏഷ്യയിൽ എച്ച് സൂചികയിൽ പ്രൊഫ. സാബു തോമസിന് 180-ാം റാങ്കും ഐ-10 സൂചികയിൽ 77-ാം റാങ്കും സൈറ്റേഷനുകളുടെ കാര്യത്തിൽ 222-ാം റാങ്കുമാണുള്ളത്.
