മൈസൂരു; കോട്ടയത്ത് നിന്ന് ബെംഗളൂരുവിലേക്ക് വന്ന കെഎസ്ആർടിസി സ്വിഫ്റ്റ് ബസാണ് മൈസൂരുവിനടുത്ത് വച്ച് അപകടത്തിൽപ്പെട്ടത്, ബസ് ഡിവൈഡറിൽ ഇടിച്ച് മറിയുകയായിരുന്നു. ഡ്രൈവർ ഉറങ്ങിയതാകാം അപകട കാരണമെന്നാണ് നിഗമനം.
നഞ്ചൻകോടിന് സമീപമാണ് അപകടം ഉണ്ടായത്. അപകടത്തിൽ 5 യാത്രക്കാർക്കും
ഡ്രൈവർക്കും സാരമായി പരിക്കേറ്റു. ഇവരിൽ രണ്ടുപേർ സ്ത്രീകളാണ്. പരിക്കേറ്റവരെ മൈസൂരുവിലെ ആശുപത്രിയിലേക്ക് മാറ്റി. 37 യാത്രക്കാരാണ് ബസ്സിലുണ്ടായിരുന്നത്. ബെംഗളൂരുവിൽ പഠിക്കുന്ന വിദ്യാർത്ഥികൾ ഉൾപ്പെടെ ബസ്സിൽ ഉണ്ടായിരുന്നു.
