പാലായിൽ വനിതാ കായികതാരത്തോട് മോശമായി പെരുമാറിയ സംഭവത്തിൽ രണ്ട് പേരെ പാലാ പൊലീസ് അറസ്റ്റ് ചെയ്തു. സജീവ് കണ്ടത്തിൽ, പ്രകാശ് എന്നിവരാണ് അറസ്റ്റിലായത്. ജാമ്യം ലഭിക്കാവുന്ന വകുപ്പ് പ്രകാരമാണ് അറസ്റ്റ്. സ്റ്റേഡിയം മാനേജിംഗ് കമ്മറ്റി അംഗമാണ് സജീവ് കണ്ടത്തിൽ.
ഏഷ്യൻ ഗെയിംസിൽ രാജ്യത്തെ പ്രതിനിധീകരിച്ച അത് ലറ്റിനോട് അശ്ലീല പരാമർശങ്ങൾ നടത്തിയതിനെത്തുടർന്ന് പരാതി ഉയരുകയും പിന്നീട് അറസ്റ്റിലേക്ക് എത്തുകയുമായിരുന്നു.
സ്റ്റേഡിയം മാനേജ്മെന്റ് കമ്മറ്റി എന്ന പേരിൽ നഗരഭരണകൂടം സാമൂഹ്യവിരുദ്ധരെ സ്റ്റേഡിയത്തിലെ ഭരണം ഏൽപ്പിച്ചുകൊടുത്തിരിക്കുകയാണെന്ന് കോൺഗ്രസ് കുറ്റപ്പെടുത്തി.
