രാമപുരം മാർ അഗസ്തീനോസ് കോളേജ് ഐ ക്യു എ സി യുടെയും ഉന്നത് ഭാരത് അഭിയാന്റെയും ആഭിമുഖ്യത്തിൽ ഭാരതത്തിന്റെ 75 -ആം സ്വാതന്ത്ര്യ ദിനത്തോടനുബന്ധിച്ച് സ്വാതന്ത്ര്യ ദിന സന്ദേശ റാലി നടത്തി.
ഉച്ചകഴിഞ്ഞു 1:30 ന് കോളേജ് അങ്കണത്തിൽ നിന്നും അധ്യാപകരുടെയും വിദ്യാർഥികളുടെയും പങ്കാളിത്തത്തോടെ ഇരുചക്രവാഹന റാലി നടന്നു.വൈസ് പ്രിൻസിപ്പൽ ഫാ.ജോസഫ് ആലഞ്ചേരിയുടെ ആമുഖ സന്ദേശത്തോടെ രാമപുരം സബ് ഇൻസ്പെക്ടർ അരുൺകുമാർ
പിഎസ് റാലി ഫ്ളാഗ്ഓഫ് ചെയ്തു.
രാമപുരം ടൗണിൽ നടത്തിയ സമാപന സമ്മേളനത്തിൽ കോളേജ് മാനേജർ റവ .ഡോ. ജോർജ് വർഗീസ് ഞാറക്കുന്നേൽ സ്വാതന്ത്ര്യദിന സന്ദേശം നൽകി. കോളേജ് അധ്യാപകൻ സുബിൻ ജോസ് മാജിക്ഷോ അവതരിപ്പിച്ചു.
സമ്മേളനത്തിൽ പ്രിൻസിപ്പൽ ഡോ ജോയ് ജേക്കബ്, പ്രോഗ്രാം കോർഡിനേറ്റർ മനോജ് സി ജോർജ് , വൈസ് പ്രിൻസിപ്പൽമാരായ റവ. ഫാ. ജോസഫ് ആലഞ്ചേരിൽ , സിജി ജേക്കബ്, അദ്ധ്യാപകരായ പ്രകാശ് ജോസഫ്, രാജീവ് ജോസഫ് , വിജയകുമാർ പി ആർ, മനീഷാ ബേബി , രതി സി ആർ, വിദ്യാർത്ഥി പ്രതിനിധി നേഹാ സനോജ് തുടങ്ങിയവർ പ്രസംഗിച്ചു.
