അടുത്ത മൂന്ന് ദിവസം കേരളത്തില് അതിശക്തമായ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം സീനിയര് ശാസ്ത്രജ്ഞന് ആർ ജെ ജനമണി.
2018ന് സമാനസ്ഥിതി അല്ലെന്നും എന്നാല് ജാഗ്രതയോടെയിരിക്കണമെന്നും ശാസ്ത്രജ്ഞന് മുന്നറിയിപ്പ് നല്കി.
സംസ്ഥാനത്ത് അടുത്ത 72 മണിക്കൂര് വ്യാപകവും അതിശക്തവുമായ മഴയുണ്ടാവാനുള്ള സാധ്യതയാണുള്ളത്. കേരളത്തിലും കര്ണാടകത്തിലും ലക്ഷദ്വീപിലുമാണ് കാലവര്ഷം വളരെ സജീവമായി തുടരുന്നത്.
ആഗസ്റ്റ് നാല് വരെ 11 ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്. അതിതീവ്രമഴയ്ക്കാണ് സാധ്യതയുള്ളത്. ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് എന്നീ ജില്ലകളിലാണ് റെഡ് അലര്ട്ട് പ്രഖ്യാപിച്ചിരിക്കുന്നത്.
