കോട്ടയം: കാഞ്ഞിരപ്പള്ളിയില് മാമ്പഴം മോഷ്ടിച്ച കേസില് ഉള്പ്പെട്ട പോലീസുകാരന് ബലാത്സംഗക്കേസിലും പ്രതി.
ഇടുക്കി എ.ആര്. ക്യാമ്പിലെ സിവില് പോലീസ് ഓഫീസറായ ഷിഹാബാണ് 2019-ല് മുണ്ടക്കയം പോലീസ് സ്റ്റേഷനില് രജിസ്റ്റര് ചെയ്ത ബലാത്സംഗക്കേസിലും ഉള്പ്പെട്ടിരിക്കുന്നത്.
ഈ കേസില് ഇയാള് വിചാരണ നേരിട്ടുവരികയാണ്. ബലാത്സംഗക്കേസിലെ അതിജീവിതയെ പിന്നീട് ഉപദ്രവിക്കാന് ശ്രമിച്ചതിനും ഇയാള്ക്കെതിരേ കേസുണ്ട്.
കഴിഞ്ഞദിവസമാണ് കാഞ്ഞിരപ്പള്ളിയില് കടയുടെ മുന്നില് സൂക്ഷിച്ചിരുന്ന പത്തുകിലോ മാമ്പഴം മോഷ്ടിച്ച സംഭവത്തില് ഷിഹാബിനെതിരേ പോലീസ് കേസെടുത്തത്. ഇതിനിടെയാണ് ഷിഹാബിനെതിരേ നേരത്തെ രജിസ്റ്റര് ചെയ്ത കേസുകളുടെ വിവരങ്ങളും പുറത്തുവന്നത്.
