തിരുവനന്തപുരം: ആര്ത്തവസമയത്ത് വിദ്യാര്ത്ഥിനികള് അനുഭവിക്കുന്ന മാനസിക-ശാരീരിക പ്രയാസങ്ങള് കണക്കിലെടുത്ത് എല്ലാ സര്വ്വകലാശാലകളിലും ആര്ത്തവാവധി നടപ്പിലാക്കാന് വേണ്ട നടപടി സ്വീകരിക്കുമെന്ന് ഉന്നത വിദ്യാഭ്യാസ വകുപ്പ് മന്ത്രി ഡോ. ആര് ബിന്ദു.
കൊച്ചി ശാസ്ത്ര സാങ്കേതിക സര്വ്വകലാശാലയില് വിദ്യാര്ഥിനികള്ക്ക് ആര്ത്താവാവധി അനുവദിച്ചതിന് പിന്നാലെയാണ് മന്ത്രിയുടെ പ്രഖ്യാപനം.
വിദ്യാര്ത്ഥികള്ക്ക് ഓരോ സെമസ്റ്ററിലും പരീക്ഷയെഴുതാന് 75 ശതമാനം ഹാജരാണ് വേണ്ടത്. എന്നാല് ആര്ത്തവാവധി പരിഗണിച്ച് വിദ്യാര്ത്ഥിനികള്ക്ക് 73 ശതമാനം ഹാജരുണ്ടായാലും പരീക്ഷയെഴുതാം എന്ന ഭേദഗതിയാണ് കൊച്ചി ശാസ്ത്ര സാങ്കേതിക സര്വകലാശാല കൊണ്ടുവന്നത്.
