ഈരാറ്റുപേട്ടയില് നിന്നും കൊടൈക്കനാലിലേയ്ക്ക് യാത്ര പോയ അഞ്ചംഗ സംഘത്തിലെ 2 യുവാക്കളെ കാണാതായി.
തേവരുപാറ സ്വദേശികളായ പള്ളിപ്പാറ അല്ത്താഫ് (23), മുല്ലൂപ്പാറയില് ഹാഫിസ് ബഷീര് (23) എന്നിവരെയാണ് കാണാതായത്. തിങ്കളാഴ്ചയാണ് ഇവര് കൊടൈക്കനാലിലേയ്ക്ക് പോയത്. പ്രദേശത്തെ പൂണ്ടി ഉള്ക്കാട്ടിലാണ് ഇവരെ കാണാതായത്.
35 ഓളം പേര് സ്ഥലത്തെത്തി തെരച്ചില് തുടരുകയാണ്. സംഘത്തിലുണ്ടായിരുന്ന 2 പേരെ പോലീസ് കസ്റ്റഡിയിലെടുത്ത് ചോദ്യം ചെയ്ത് വരികയാണ്.
