ചർമ്മത്തിൽ പാടുകളും വരകളുമൊക്കെ വീഴുന്നത് വളരെ വിഷമം ഉള്ള കാര്യമാണ് പലർക്കും. പക്ഷെ പ്രായമാകുമ്പോൾ ഇത്തരം പ്രശ്നങ്ങൾ ഉണ്ടാകുന്നത് സാധാരണമാണ്. എന്നാൽ പ്രായം 25-30 പോലും ആയിട്ടില്ല, അപ്പോഴേക്കും പ്രായമാകുന്നതിൻ്റെ ലക്ഷണങ്ങൾ ചർമ്മത്തിലുണ്ടാകുന്നത് വളരെ ബുദ്ധിമുട്ടുള്ള കാര്യമാണ്. ചുളിവുകളും മറ്റ് പ്രശ്നങ്ങളും മാറ്റാൻ വീട്ടിൽ തന്നെ ചെയ്യാൻ കഴിയുന്ന ചില പരിഹാര മാർഗങ്ങൾ നോക്കാം.
ചെറുപയർ
വീട്ടിലെ അടുക്കളയിൽ വളരെ സുലഭമായി കാണപ്പെടുന്നതാണ് ചെറുപയർ. ഇത് ആരോഗ്യത്തിന് മാത്രമല്ല സൗന്ദര്യത്തിനും വളരെയധികം നല്ലതാണ്. ഇതിന്റെ പ്രധാന കാരണം ഇതിൽ അടങ്ങിയിരിക്കുന്ന വിറ്റാമിൻ എ, വിറ്റാമിൻ സി എന്നിവയാണ്. ചർമ്മത്തിന് ആവശ്യമായ പോഷകങ്ങൾ നൽകുന്നതിനു പുറമേ, ചെറു പ്രായത്തിൽ തന്നെ മുഖത്ത് പ്രത്യക്ഷപ്പെടുന്ന ചുളിവുകൾ, വരകൾ, മുഖക്കുരു പാടുകൾ എന്നിവയും ഇത് ഇല്ലാതാക്കുന്നു.
രണ്ട് ടീസ്പൂൺ ചെറുപയർ പൊടിയിൽ ഒരു ടീസ്പൂൺ തേനും ചേർത്ത് നന്നായി യോജിപ്പിക്കുക. ഈ പേസ്റ്റ് മുഖത്തിട്ട് 20 മിനിറ്റിന് ശേഷം കഴുകി കളയാം. ആഴ്ചയിൽ രണ്ടോ മൂന്നോ തവണ ഈ പാക്ക് ഇടുന്നത് ഏറെ നല്ലതാണ്. ചർമ്മത്തിലെ ചുളിവുകളും പാടുകളും മാറ്റാൻ ഇത് ഏറെ സഹായിക്കും.
മാതളനാരങ്ങ തൊലി
മാതളനാരങ്ങയുടെ വിത്ത് കഴിച്ചതിനുശേഷം, നമ്മളെല്ലാവരും അതിന്റെ തൊലി മാത്രം ചവറ്റുകുട്ടയിലേക്ക് വലിച്ചെറിയുന്നു. എന്നാൽ ഇനി അങ്ങനെ ചെയ്യരുത്. കാരണം അതിന്റെ തൊലിയിൽ പോലും ധാരാളം ഗുണങ്ങൾ ഒളിഞ്ഞിരിപ്പുണ്ട്. പ്രധാനമായും, ഈ പഴത്തിന്റെ തൊലിയിൽ ആന്റിഓക്സിഡന്റ് ഘടകങ്ങൾ ധാരാളമുണ്ട്. എല്ലാ ചർമ്മപ്രശ്നങ്ങളും ഇല്ലാതാക്കാൻ ഇവ സഹായിക്കുന്നു
ആദ്യം മാതളനാരങ്ങയുടെ തൊലി നന്നായി ഉണക്കി പൊടിയായി പൊടിക്കുക. ഇനി ഈ പൊടിച്ചത് ഒരു പാത്രത്തിൽ എടുത്ത ശേഷം അതിലേക്ക് 2 ടേബിൾ സ്പൂൺ പാൽപ്പാടുയം അതേ അളവിൽ ചെറു പയർ പൊടിയും ചേർക്കുക. ഇത് കട്ടിയുള്ള പേസ്റ്റ് രൂപത്തിലാക്കുക. ഈ പേസ്റ്റ് മുഖത്തും കഴുത്തിലും പുരട്ടി വൃത്താകൃതിയിൽ രണ്ട് മിനിറ്റ് നന്നായി മസാജ് ചെയ്യുക. ഏകദേശം പതിനഞ്ചു മിനിറ്റിനു ശേഷം ചെറുചൂടുവെള്ളത്തിൽ മുഖം കഴുകുക. മികച്ച ഫലങ്ങൾക്കായി ആഴ്ചയിൽ രണ്ട് തവണയെങ്കിലും ഈ ഫേസ് പാക്ക് പുരട്ടുക.
മഞ്ഞൾ
മഞ്ഞൾപ്പൊടിയിൽ നിരവധി ഔഷധ ഗുണങ്ങളുണ്ട്. ഈ ഔഷധസസ്യം ആരോഗ്യം മെച്ചപ്പെടുത്താൻ മാത്രമല്ല, ചർമ്മത്തിന് തിളക്കം വർദ്ധിപ്പിക്കാനും സഹായിക്കുന്നു.
ആദ്യം ഒരു ചെറിയ പാത്രത്തിൽ ഒരു ടീസ്പൂൺ മഞ്ഞൾപ്പൊടി ഇടുക. അതിനുശേഷം, തുല്യ അളവിൽ തേനും പാലും ചേർത്ത് കട്ടിയുള്ള പേസ്റ്റ് ഉണ്ടാക്കുക. ഇനി ഈ പേസ്റ്റ് മുഖത്തും കഴുത്തിലും പുരട്ടുക. ശേഷം വിരലുകൾ കൊണ്ട് വൃത്താകൃതിയിൽ രണ്ട് മിനിറ്റ് മസാജ് ചെയ്യുക. ഇത് ഏകദേശം പത്ത് പതിനഞ്ച് മിനിറ്റ് മുഖത്ത് വയ്ക്കുക. അതിനുശേഷം മുഖവും കഴുത്തും വെള്ളത്തിൽ കഴുകുക. ആഴ്ചയിൽ രണ്ടോ മൂന്നോ തവണ ഇങ്ങനെ ചെയ്താൽ ചർമ്മത്തിലെ ചുളിവുകൾ മാറുകയും മുഖത്തിന് തിളക്കം വർദ്ധിക്കുകയും ചെയ്യും.
