പാലായിൽ എക്സൈസ് സ്പെഷ്യൽ സ്ക്വാഡിന്റെ വൻ എംഡിഎംഎ വേട്ട. ബാംഗ്ലൂരിൽ നിന്നും വന്ന ബസ് തടഞ്ഞു നിർത്തിയാണ് കോട്ടയത്ത് നിന്നുള്ള എക്സൈസ് സ്പെഷ്യൽ സ്ക്വാഡ് എംഡിഎംഎ പിടികൂടിയത്. 70 ഗ്രാമോളം എംഡിഎംഎ കണ്ടെത്തിയിട്ടുണ്ട്.
സംഭവത്തിൽ എരുമേലി സ്വദേശികളായ 3 പേർ പിടിയിലായി. സംഭവത്തെക്കുറിച്ച് വിവരം ലഭിച്ചതിനെത്തുടർന്ന് എക്സൈസ് സംഘം പാലായിൽ ബസ് തടയുകയായിരുന്നു.
കോട്ടയം ജില്ലയിൽ ഇതുവരെ നടന്നതിൽ ഏറ്റവും വലിയ എംഡിഎംഎ വേട്ടയാണ് പാലായിൽ നടന്നത്. ലക്ഷങ്ങൾ വിലവരുന്ന മയക്കുമരുന്നാണ് കോട്ടയത്ത് നിന്നുള്ള എക്സൈസ് സംഘം പിടികൂടിയത്. എരുമേലി സ്വദേശികളായ അഷ്കർ അഷ്റഫ്, അഫ്സൽ അലിയാർ, അൻവർ ഷാ എന്നിവരാണ് എക്സൈസ് സംഘത്തിന്റെ പിടിയിലായത്.
