ആദ്യമായി ഒരു സാധാരണ പൗരനെ ബഹിരാകാശ നിലയത്തിലേക്ക് അയക്കാനൊരുങ്ങുകയാണ് ചൈന. ചൈനയുടെ ടിയാങ്കോങ് ബഹിരാകാശ നിലയത്തിലേക്ക് ചൊവ്വാഴ്ച പുറപ്പെടുന്ന സംഘത്തോടൊപ്പമാണ് ബെയ്ജിങ് എയറോനോട്ടിക്സ് ആന്റ് ആസ്ട്രോനോട്ടിക്സ് സര്വകലാശാലയിലെ പ്രൊഫസറായ ഗുയി ഹായ്ചാവോയും യാത്ര ചെയ്യുക.
ഇതുവരെ ചൈന ബഹിരാകാശ നിലയത്തിലേക്ക് അയച്ചവരെല്ലാം പീപ്പിള്സ് ലിബറേഷന് ആര്മിയുടെ ഭാഗമായവരാണ്.
ബഹിരാകാശ നിലയത്തിലെ ശാസ്ത്ര ഗവേഷണ പരീക്ഷണ ഉപകരണങ്ങള് കൈകാര്യം ചെയ്യുകയാണ് ഗുയിയുടെ ദൗത്യം. ജിങ് ഹായ്പെങ് ആണ് മിഷന് കമാന്ഡര്, ഷു യെങ്ഷു ആണ് മറ്റൊരു യാത്രികന്.
ജിയുക്വാന് സാറ്റലൈറ്റ് ലോഞ്ച് സെന്ററില് നിന്ന് ചൊവ്വാഴ്ച രാവിലെ 9.31 നാണ് വിക്ഷേപണമെന്ന് ചൈനയുടെ മാന്ഡ് സ്പേസ് ഏജന്സി പറഞ്ഞു.
