തീക്കോയി : തീക്കോയി ഗ്രാമപഞ്ചായത്തിൽ ആന്റോ ആന്റണി എംപിയുടെ പ്രാദേശിക വികസന ഫണ്ടിൽ ഉൾപ്പെടുത്തി മൂന്ന് ഹൈമാസ്റ്റ് ലൈറ്റുകൾ കൂടി അനുവദിച്ചു.
ടൗൺ വാർഡിലെ സഹകരണ ബാങ്ക് ജംഗ്ഷൻ, പന്ത്രണ്ടാം വാർഡിലെ കുരിശുപള്ളി ജംഗ്ഷൻ, വേലത്തുശേരി വാർഡിലെ പള്ളിവാതിൽ എന്നീ സ്ഥലങ്ങളിലാണ് ഹൈമാസ്റ്റ് ലൈറ്റുകൾ സ്ഥാപിക്കുന്നത്.
തീക്കോയി ടൗണിൽ നേരത്തെ അനുവദിച്ച ഹൈമാസ് ലൈറ്റിന്റെ ടെൻഡർ നടപടികൾ പൂർത്തിയായി. കേരള ഇലക്ട്രിക്കൽ അലൈഡ് എൻജിനീയറിങ് കമ്പനിയാണ് (KEL) ഹൈമാസ് ലൈറ്റ് സ്ഥാപിക്കുന്നതെന്ന് പ്രസിഡന്റ് കെ.സി ജെയിംസ് അറിയിച്ചു.
