തിരുവനന്തപുരം: സംസ്ഥാനത്ത് ആറു കോവിഡ് ഹോട്ട്സ്പോട്ടുകള് കൂടി. പാലക്കാട് ജില്ലയിലെ ഷൊര്ണൂര്, മലപ്പുറം ജില്ലയിലെ മൂര്ക്കനാട്, കുറുവ, കല്പ്പകഞ്ചേരി, എടപ്പാള്, വട്ടംകുളം എന്നിവയാണ് പുതിയ ഹോട്ട് സ്പോട്ടുകള്. നിലവില് 150 ഹോട്ട് സ്പോട്ടുകളാണ് ഉള്ളത്.
സംസ്ഥാനത്ത് 91 പേര്ക്കാണ് തിങ്കളാഴ്ച കോവിഡ് സ്ഥിരീകരിച്ചത്. മലപ്പുറം ജില്ലയില് നിന്നുള്ള 14 പേര്ക്കും, കോഴിക്കോട് ജില്ലയില് 13 പേര്ക്കും, കാസര്ഗോഡ് ജില്ലയില് എട്ടു പേര്ക്കും, കൊല്ലം, ആലപ്പുഴ ജില്ലകളില് അഞ്ചു പേര്ക്ക് വീതവും, കണ്ണൂര് ജില്ലയില് നാലു പേര്ക്കും, തിരുവനന്തപുരം, പത്തനംതിട്ട, കോട്ടയം, എറണാകുളം ജില്ലകളില് മൂന്നു പേര്ക്ക് വീതവും, വയനാട് ജില്ലയില് രണ്ടു പേര്ക്കും, പാലക്കാട് ജില്ലയില് ഒരാള്ക്കുമാണ് രോഗം സ്ഥിരീകരിച്ചത്. ഇതില് 27 പേര് തൃശൂര് ജില്ലയിലാണ്. ജില്ലയിലെ രണ്ട് ആരോഗ്യ പ്രവര്ത്തകര്ക്കും രോഗം സ്ഥിരീകരിച്ചു.
ഇതില് 73 പേര് വിദേശ രാജ്യങ്ങളില് നിന്നും (യുഎഇ-42, കുവൈറ്റ്-15, ഒമാന്-5, റഷ്യ-4, നൈജീരിയ-3, സൗദി അറേബ്യ-2, ഇറ്റലി-1, ജോര്ദാന്-1) 15 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-6, തമിഴ്നാട്-6, ഡല്ഹി-2, കര്ണാടക-1) വന്നതാണ്. തൃശൂര് ജില്ലയിലെ ഒരാള്ക്ക് സന്പര്ക്കത്തിലൂടെ രോഗം ബാധിച്ചു.
രോഗം സ്ഥിരികരിച്ച് ചികിത്സയിലായിരുന്ന 11 പേരുടെ പരിശോധനാഫലം നെഗറ്റീവായി. കാസര്ഗോഡ് ജില്ലയില് നിന്നുള്ള അഞ്ചു പേരുടെയും, പാലക്കാട്, വയനാട്, കണ്ണൂര് (കാസര്ഗോഡ് സ്വദേശികള്) ജില്ലകളില് നിന്നുള്ള രണ്ടു പേരുടെയും പരിശോധനാഫലമാണ് നെഗറ്റീവായത്. 1174 പേരാണ് രോഗം സ്ഥിരീകരിച്ച് ചികിത്സയിലുള്ളത്. 814 പേര് കോവിഡ് മുക്തരായി.
