തിരുവനന്തപുരം: സംസ്ഥാനത്ത് ഇന്ന് 65 പേര്ക്ക് കോവിഡ് വൈറസ് ബാധ സ്ഥിരീകരിച്ചു. കോഴിക്കോട് ജില്ലയിലെ 10 പേര്ക്കും തൃശൂര് ജില്ലയിലെ ഒമ്പത് പേര്ക്കും രോഗം സ്ഥിരീകരിച്ചു. 1238 പേര് ചികിത്സയിലുണ്ട്. 57 പേര് സുഖം പ്രാപിച്ചു.
മലപ്പുറം-7, തിരുവനന്തപുരം, പാലക്കാട് 6 വീതം, കൊല്ലം, ഇടുക്കി, എറണാകുളം, വയനാട്, കണ്ണൂര് ജില്ലകളില് 4 പേര്ക്ക് വീതവും രോഗം കണ്ടെത്തി. പത്തനംതിട്ട, കോട്ടയം ജില്ലകളില് മൂന്നു പേര്ക്ക് വീതവും ആലപ്പുഴ ജില്ലയിലെ ഒരാള്ക്കുമാണ് രോഗം സ്ഥിരീകരിച്ചത്. 34 പേര് വിദേശ രാജ്യത്ത് നിന്നും 25 പേര് മറ്റ് സംസ്ഥാനങ്ങളില് നിന്നും കേരളത്തില് എത്തിയതാണ്. അഞ്ച് പേര്ക്ക് സമ്പര്ക്കത്തിലൂടെ രോഗം പകര്ന്നു.
വിദേശരാജ്യങ്ങളില് നിന്നെത്തിയവരില് 22 പേര് യു.എ.ഇ, 4 പേര് കുവൈറ്റ്, 3 പേര് ഒമാന്, 2 പേര് നൈജീരിയ, 2 പേര് റഷ്യ, 1- സൗദി അറേബ്യ എന്നിവിടങ്ങളില് നിന്നും തിരിച്ചെത്തിയവരാണ്. മഹാരാഷ്ട്ര- 9, തമിഴ്നാട്- 9, ഡല്ഹി -3, കര്ണാടക - 1, അരുണാചല് പ്രദേശ് - 1, ഗുജറാത്ത് - 1, ഉത്തര്പ്രദേശ് - 1 എന്നിങ്ങനെയാണ് ഇതരസംസ്ഥാനങ്ങളില് നിന്നും തിരിച്ചെത്തിയവരുടെ കണക്കുകള്.
അതേസമയം രോഗം സ്ഥിരികരിച്ച് ചികിത്സയിലായിരുന്ന 57 പേരുടെ പരിശോധനാഫലം നെഗറ്റീവ് ആയി. കണ്ണൂര് ജില്ലയില് നിന്നുള്ള 13 പേരുടെയും, കാസറഗോഡ് ജില്ലയില് നിന്നുള്ള 11 പേരുടെയും, ആലപ്പുഴ ജില്ലയില് നിന്നുള്ള 7 പേരുടെയും, പത്തനംതിട്ട, വയനാട് ജില്ലകളില് നിന്നുള്ള 6 പേരുടെയും, കൊല്ലം ജില്ലയില് നിന്നുള്ള 4 പേരുടെയും, തിരുവനന്തപുരം, കോഴിക്കോട് ജില്ലകളില് നിന്നുള്ള 3 പേരുടെ വീതവും, കോട്ടയം, എറണാകുളം ജില്ലകളില് നിന്നുള്ള 2 പേരുടെ വീതവും, പരിശോധനാ ഫലമാണ് നെഗറ്റീവ് ആയത്. ഇതോടെ 1238 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 905 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 2,10,592 പേര് നിരീക്ഷണത്തിലാണ്. ഇവരില് 2,08,748 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 1844 പേര് ആശുപത്രികളിലും നിരീക്ഷണത്തിലാണ്. 206 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
കഴിഞ്ഞ 24 മണിക്കൂറിനിടെ 4689 സാമ്പിളുകളാണ് പരിശോധിച്ചത്. ഇതുവരെ 98,304 വ്യക്തികളുടെ (ഓഗ്മെന്റഡ് സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് ലഭ്യമായ 93,475 സാമ്പിളുകളുടെ പരിശോധനാഫലം നെഗറ്റീവ് ആണ്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 24,508 സാമ്പിളുകള് ശേഖരിച്ചതില് 22,950 സാമ്പിളുകള് നെഗറ്റീവ് ആയി. 6,364 റിപ്പീറ്റ് സാമ്പിള് ഉള്പ്പെടെ ആകെ 1,31,006 സാമ്പിളുകളാണ് പരിശോധിച്ചത്.
