തിരുവനന്തപുരം: സംസ്ഥാനത്ത് ഇന്ന് 83 പേര്ക്ക് കോവിഡ് ബാധ സ്ഥിരീകരിച്ചു. 62 പേര് രോഗമുക്തരായി. ഇന്ന് രോഗം സ്ഥിരീകരിച്ചവരില് 27 പേര് വിദേശരാജ്യങ്ങളില് നിന്നും, 37 പേര് ഇതര സംസ്ഥാനങ്ങളില് നിന്നും എത്തിയവരാണ്. അഞ്ച് ആരോഗ്യ പ്രവര്ത്തകര്ക്കുള്പ്പെടെ 14 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. തൃശൂര് ജില്ലയില് സമ്പര്ക്കത്തിലൂടെ രോഗം ബാധിച്ചവരില് 4 പേര് കോര്പ്പറേഷനിലെ ശുചീകരണ തൊഴിലാളികളും നാല് പേര് വെയര്ഹൗസില് ലോഡിങ് തൊഴിലാളികളും ഉള്പ്പെടുന്നുണ്ട്.
തൃശൂര്- 25, പാലക്കാട് -13, മലപ്പുറം -10, കാസര്ഗോഡ് -10, കൊല്ലം- 8, കണ്ണൂര്- 7. പത്തനംതിട്ട- 5. എറണാകുളം-2, കോട്ടയം -2, കോഴിക്കോട് -1 എന്നിങ്ങനെയാണ് ഇന്ന് രോഗം സ്ഥിരീകരിച്ചവരുടെ കണക്കുകള്.
തിരുവനന്തപുരം- 16, കൊല്ലം- 2, എറണാകുളം- 6, തൃശൂര്- 7, പാലക്കാട്- 13, മലപ്പുറം- 2, കോഴിക്കോട്- 3, കണ്ണൂര്- 8, കാസര്ഗോഡ്- 5 എന്നിങ്ങനെയാണ് രോഗമുക്തി നേടിയവരുടെ കണക്കുകള്.
ഇതുവരെ 2244 പേര്ക്കാണ് സംസ്ഥാനത്ത് രോഗം സ്ഥിരീകരിച്ചത്. 1258 പേര് നിലവില് ചികിത്സയിലുണ്ട്. 231 പേരെയാണ് ഇന്ന് ആുപത്രിയില് പ്രവേശിപ്പിച്ചത്. പാലക്കാട് ജില്ലയിലെ രണ്ട് സ്ഥലങ്ങളെ കൂടി ഹോട്ട്സ്പോട്ട് പട്ടികയില് ഉള്പ്പെടുത്തി. 35 പ്രദേശങ്ങളെ ഹോട്ട്സ്പോട്ട് പട്ടികയില് നിന്നും ഒഴിവാക്കി.
ഇതുവരെ രണ്ടര ലക്ഷം അതിഥി തൊഴിലാളികളെ അതത് സംസ്ഥാനങ്ങളിലേക്ക് തിരിച്ചയക്കാന് സാധിച്ചുവെന്ന് മുഖ്യമന്ത്രി വ്യക്തമാക്കി. അതേസമയം കേരളത്തില് നിന്നും പോയ ചിലര് തിരിച്ചുവരാന് ആഗ്രഹം പ്രകടിപ്പിക്കുന്നുണ്ട്. ഇവര് തിരിച്ചെത്തിയാല് ഉടനെ ജോലിയില് പ്രവേശിപ്പിക്കരുതെന്നും, സുരക്ഷാക്രമീകരണങ്ങളോടെയുള്ള ക്വാറന്റീന് പൂര്ത്തിയാക്കണമെന്നും മുഖ്യമന്ത്രി നിര്ദേശിച്ചു.
അതേസമയം, സംസ്ഥാനത്ത് ഒരു കോവിഡ് മരണംകൂടി സ്ഥിരീകരിച്ചു. കണ്ണൂര് ജില്ലയിലെ ഇരിട്ടി സ്വദേശി പി.കെ. മുഹമ്മദ് ആണ് മരിച്ചത്. ഇദ്ദേഹം കരള്രോഗം ബാധിച്ച് ചികിത്സയിലായിരുന്നു. ഇതോടെ സംസ്ഥാനത്ത് കോവിഡ് ബാധിച്ച് മരിച്ചവരുടെ എണ്ണം 18 ആയി ഉയര്ന്നു.
