തിരുവനന്തപുരം: സംസ്ഥാനത്ത് 91 പേര്ക്കുകൂടി കോവിഡ് സ്ഥിരീകരിച്ചു. മലപ്പുറം ജില്ലയില് നിന്നുള്ള 14 പേര്ക്കും, കോഴിക്കോട് ജില്ലയില് 13 പേര്ക്കും, കാസര്ഗോഡ് ജില്ലയില് 8 പേര്ക്കും, കൊല്ലം, ആലപ്പുഴ ജില്ലകളില് 5 പേര്ക്ക് വീതവും, കണ്ണൂര് ജില്ലയില് 4 പേര്ക്കും, തിരുവനന്തപുരം, പത്തനംതിട്ട, കോട്ടയം, എറണാകുളം ജില്ലകളില് 3 പേര്ക്ക് വീതവും, വയനാട് ജില്ലയില് 2 പേര്ക്കും, പാലക്കാട് ജില്ലയില് ഒരാള്ക്കുമാണ് രോഗം സ്ഥിരീകരിച്ചത്.
ഇതില് 73 പേര് വിദേശ രാജ്യങ്ങളില് നിന്നും (യുഎഇ-42, കുവൈറ്റ്-15, ഒമാന്-5, റഷ്യ-4, നൈജീരിയ-3, സൗദി അറേബ്യ-2, ഇറ്റലി-1, ജോര്ദാന്-1) 15 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര-6, തമിഴ്നാട്-6, ഡല്ഹി-2, കര്ണാടക-1) വന്നതാണ്. തൃശൂര് ജില്ലയിലെ ഒരാള്ക്ക് സമ്പര്ക്കത്തിലൂടെ രോഗം ബാധിച്ചു. തൃശൂര് ജില്ലയിലെ രണ്ട് ആരോഗ്യ പ്രവര്ത്തകര്ക്കും രോഗം സ്ഥിരീകരിച്ചു.
രോഗം സ്ഥിരികരിച്ച് തൃശൂര് മെഡിക്കല് കോളേജില് ചികിത്സയിലായിരുന്ന ഡിനി ചാക്കോ (41) മരണമടഞ്ഞു. ഇതോടെ 16 പേരാണ് കോവിഡ് ബാധിച്ച് മരണമടഞ്ഞത്. മാലിദ്വീപില് നിന്നെത്തിയ ഇദ്ദേഹത്തിന് ഗുരുതര വൃക്കരോഗവും ശ്വാസതടസവുമുണ്ടായിരുന്നു.
രോഗം സ്ഥിരികരിച്ച് ചികിത്സയിലായിരുന്ന 11 പേരുടെ പരിശോധനാഫലം നെഗറ്റീവായി. കാസര്ഗോഡ് ജില്ലയില് നിന്നുള്ള അഞ്ചു പേരുടെയും, പാലക്കാട്, വയനാട്, കണ്ണൂര് (കാസര്ഗോഡ് സ്വദേശികള്) ജില്ലകളില് നിന്നുള്ള രണ്ടു പേരുടെയും പരിശോധനാഫലമാണ് നെഗറ്റീവായത്. 1174 പേരാണ് രോഗം സ്ഥിരീകരിച്ച് ചികിത്സയിലുള്ളത്. 814 പേര് കോവിഡ് മുക്തരായി.
