ന്യൂഡൽഹി: കഴിഞ്ഞ 24 മണിക്കൂറിനുള്ളിൽ രാജ്യത്ത് 27,114 പേർക്ക് പുതിയതായ് കോവിഡ് സ്ഥിരീകരിച്ചു. മരണം 519 ആയി. ഇതോടെ രാജ്യത്തെ രോഗികളുടെ എണ്ണം 8,20,916 ആയി. 22,123 പേരാണ് ആകെ രോഗം ബാധിച്ച് മരിച്ചത്. രാജ്യത്ത് ഏഴു ലക്ഷം കോവിഡ് കേസുകളിൽ നിന്ന് എട്ടു ലക്ഷത്തിലേക്ക് എത്താൻ വെറും നാലു ദിവസം മാത്രമാണു വേണ്ടിവന്നത്.
നിലവിൽ 2,83,407 പേരാണ് ആശുപത്രിയിൽ ചികിത്സയിൽ കഴിയുന്നത്. 5,15,386 പേർ രോഗമുക്തരായി. അതേസമയം ജൂലൈ പത്തു വരെയുള്ള കണക്കുകള് പ്രകാരം രാജ്യത്ത് 1,13,07,002 സാമ്പിളുകള് പരിശോധിച്ചതായി ഇന്ത്യന് കൗണ്സില് ഓഫ് മെഡിക്കല് റിസര്ച്ച് അറിയിച്ചു. ഇന്നലെ മാത്രം 2,82,511 സാമ്പിളുകളാണ് പരിശോധിച്ചത്.
മഹാരാഷ്ട്രയിൽ 7,862 കേസുകളാണ് പുതിയതായി റിപ്പോർട്ട് ചെയ്തത്. ഇതോടെ സംസ്ഥാനത്തെ രോഗബാധിതരുടെ എണ്ണം 2,38,461 ആയി. 24 മണിക്കൂറിനിടെ 226 പേർ മരിച്ചു. ഇതോടെ മരണ സംഖ്യ 9,893 ആയി രാജ്യതലസ്ഥാനത്തെയും സ്ഥിതി ഗുരുതരമായി തുടരുകയാണ്. 1,09,140 പേർക്കാണ് ഡൽഹിയിൽ രോഗം ബാധിച്ചത്. 3,300 പേർ സംസ്ഥാനത്ത് രോഗം ബാധിച്ചു മരിച്ചു.ഉയർന്നു.
തമിഴ്നാട്ടിലെ കോവിഡ് രോഗികളുടെ എണ്ണം 1,30,261 ആയി. 3,680 പുതിയ കേസുകളാണ് ഇവിടെ റിപ്പോർട്ട് ചെയ്തത്. വെള്ളിയാഴ്ച 64 പേർ സംസ്ഥാനത്ത് രോഗം ബാധിച്ചു മരിച്ചു. ഇതോടെ മരണ സംഖ്യ 1,829 ആയി ഉയർന്നു.
