തിരുവനന്തപുരം: തിരുവനന്തപുരം യു.എ.ഇ കോൺസുലേറ്റിലെ അറ്റാഷെ റഷീദ് ഖാമിസ് അലി മുസൈഖിരി ഇന്ത്യ വിട്ടു. ഞായറാഴ്ചയാണ് അറ്റാഷെ ഡൽഹിയിൽനിന്ന് യു.എ.ഇയിലേക്ക് പോകുകയായിരുന്നു.
സ്വർണക്കടത്തുമായ് ബന്ധപ്പെട്ട് പ്രതികൾ മൊഴികൾ നടത്തിയ സാഹചര്യത്തിൽ അറ്റാഷെയുമായ് കൂടിക്കാഴ്ച നടത്താൻ അന്വേഷണ ഉദ്യോഗസ്ഥർ ഒരുങ്ങുന്നതിനിടെയാണ് ഇത്തരത്തിലൊരു മടക്കം.
സ്വർണം കടത്തിയ ബാഗ് വന്നത് അറ്റാഷെയുടെ പേരിലായിരുന്നു. തിരിച്ചുവിളിച്ചതാണോ അതോ സ്വന്തം നിലയിൽ മടങ്ങിയതാണോ എന്ന കാര്യം വ്യക്തമല്ല. അറ്റാഷെയുമായി കൂടിക്കാഴ്ചയ്ക്ക് അവസരമൊരുക്കണമെന്ന് നേരത്തെ കേന്ദ്ര സർക്കാർ യുഎഇ എംബസിയോട് ആവശ്യപ്പെട്ടിരുന്നു. ഇതിനു പിന്നാലെയാണ് റാഷിദ് ഖാമിസ് അൽ അഷ്മിയ യു.എ.ഇയിലേക്ക് മടങ്ങിയത്.
