കോട്ടയം: ജില്ലയിൽ ഇന്ന് 40 പേർക്കു കൂടി കോവിഡ് സ്ഥിരീകരിച്ചു. ഇതിൽ 31 പേർക്കും സമ്പർക്കത്തിലൂടെയാണു രോഗം ബാധിച്ചത്. മറ്റു സംസ്ഥാനങ്ങളിൽനിന്നു വന്ന എട്ടു പേരും വിദേശത്തുനിന്നു വന്ന ഒരാളും രോഗബാധിതരുടെ പട്ടികയിൽ ഉൾപ്പെടുന്നു.
748 സാമ്പിളുകളുടെ പരിശോധനാ ഫലമാണു വന്നത്. 53 പേർ രോഗമുക്തരായി. നിലവിൽ 476 പേർ ചികിത്സയിലുണ്ട്. ഇതുവരെ ആകെ 1693 പേർക്കു രോഗം ബാധിച്ചു. 1214 പേർ രോഗമുക്തരായി. സമ്പർക്കത്തിലൂടെ രോഗം ബാധിച്ചവരിൽ ഏഴു പേർ കടുത്തുരുത്തി സ്വദേശികളാണ്. കോട്ടയം താഴത്തങ്ങാടിയിൽ നാലു പേർക്കും കോവിഡ് സ്ഥിരീകരിച്ചു.
വിദേശത്തുനിന്നു വന്ന 85 പേരും മറ്റു സംസ്ഥാനങ്ങളിൽനിന്നു വന്ന 164 പേരും രോഗം സ്ഥിരീകരിച്ചവരുടെ സമ്പർക്ക പട്ടികയിലുള്ള 135 പേരും ഉൾപ്പെടെ 384 പേർക്കു പുതിയതായി ക്വാറെന്റെയൻ നിർദേശിച്ചു. ജില്ലയിൽ ആകെ 9708 പേർ ക്വാറെന്റെനിൽ കഴിയുന്നുണ്ട്.
