സ​ബ് ട്ര​ഷ​റി തട്ടിപ്പ്: ബി​ജു​ലാ​ൽ അ​റ​സ്റ്റി​ൽ

തിരുവനന്തപുരം: വ​ഞ്ചി​യൂ​ർ സ​ബ് ട്ര​ഷ​റി​യി​ൽ നി​ന്നും ര​ണ്ടു കോ​ടി രൂ​പ ത​ട്ടി​യെ​ടു​ത്ത കേ​സി​ൽ സീ​നി​യ​ർ അ​ക്കൗ​ണ്ട​ൻറ് എം.​ആ​ർ. ബി​ജു​ലാ​ൽ അ​റ​സ്റ്റി​ൽ. തി​രു​വ​ന​ന്ത​പു​രം വ​ഞ്ചി​യൂ​രി​ലു​ള്ള അ​ഭി​ഭാ​ഷ​ക​ൻറെ ഓ​ഫീ​സി​ൽ​നി​ന്നു​മാ​ണ് ബി​ജു അ​റ​സ്റ്റി​ലാ​യ​ത്.  ഒ​ളി​വി​ൽ ക​ഴി​യു​ക​യാ​യി​രു​ന്ന ഇയാൾ ഇന്ന് രാവിലെയാണ് പൂ​ന്തു​റ സോ​മ​ൻ എ​ന്ന അ​ഭി​ഭാ​ഷ​ക​ൻറെ ഓ​ഫീ​സി​ൽ എ​ത്തി​യ​ത്. താ​ൻ കീ​ഴ​ട​ങ്ങാ​ൻ പോ​കു​ന്ന​താ​യി ഇ​യാ​ൾ അ​ഭി​ഭാ​ഷ​ക​നോ​ട് പ​റ​ഞ്ഞി​രു​ന്നു. 

താൻ ട്രഷറിയിൽനിന്ന് ഒരു രൂപ പോലും എടുത്തിട്ടില്ലെന്നും ഓൺലൈനിൽ റമ്മി കളിച്ച് കിട്ടുന്ന പണമാണ് തന്റെ അക്കൗണ്ടിലുള്ളതെന്നും  അറസ്റ്റിലാകുന്നതിന് മുമ്പ് ബിജു ലാൽ മാധ്യമങ്ങളോട് പ്രതികരിച്ചു. തന്നെ ഉപയോഗി്ച്ച് വേറെ ആരോ തട്ടിപ്പ് നടത്തിയതെന്നും  ഇക്കാര്യങ്ങൾ പോലീസ് അന്വേഷിക്കട്ടെ എന്നും ബിജു ലാൽ പറഞ്ഞു. 

അറസ്റ്റിലായ ബിജുലാലിനെ കമ്മീഷണർ ഓഫീസിലേക്ക് കൊണ്ടുപോയി.  മുൻകൂർ ജാമ്യം തള്ളിയതോടെയാണ് ബിജുലാൽ കീഴടങ്ങാനെത്തിയത്. ബി​ജു​ലാ​ലി​ൻറെ വീ​ട്ടി​ലും പോ​ലീ​സ് പ​രി​ശോ​ധ​ന​ക​ൾ ന​ട​ത്തി​യി​രു​ന്നു. ബി​ജു​വി​ൻറെ ഫോ​ണും പോ​ലീ​സ് ക​സ്റ്റ​ഡി​യി​ൽ എ​ടു​ത്തി​രു​ന്നു. കേ​സി​ൽ ക​ന്പ്യൂ​ട്ട​ർ ഹാ​ർ​ഡ് ഡി​സ്കും മ​റ്റ് രേ​ഖ​ക​ളും പോ​ലീ​സ് പി​ടി​ച്ചെ​ടു​ത്തി​ട്ടു​ണ്ട്. ഹാ​ർ​ഡ് ഡി​സ്ക് ഫോ​റ​ൻ​സി​ക് പ​രി​ശോ​ധ​ന​യ്ക്ക് അ​യ​യ്ക്കു​മെ​ന്നു പോ​ലീ​സ് അ​റി​യി​ച്ചു. 

വ​ഞ്ചി​യൂ​ർ പോ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ ബി​ജു​ലാ​ലും ഹ​യ​ർ​സെ​ക്ക​ൻ​ഡ​റി അ​ധ്യാ​പി​ക​യാ​യ ഭാ​ര്യ സി​നി​യു​മാ​ണ് പ്ര​തി​ക​ൾ. സി​നി​യി​ൽ​നി​ന്നും പോ​ലീ​സ് വി​വ​ര​ങ്ങ​ൾ ശേ​ഖ​രി​ച്ചി​ട്ടു​ണ്ട്.