ന്യൂഡൽഹി: 17 ലോക്സഭാ എം.പിമാർക്ക് കോവിഡ് സ്ഥിരീകരിച്ചതായി റിപ്പോർട്ട്. പാർലമെന്റ് വർഷകാല സമ്മേളനം തുടങ്ങുന്നതിന് മുന്നോടിയായി എല്ലാ എം.പിമാർക്കും നടത്തിയ നിർബന്ധിത കോവിഡ് പരിശോധനയുടെ റിപ്പോർട്ട് പുറത്ത് വന്നതോടെയാണ് എം.പിമാർക്ക് കോവിഡ് സ്ഥിരീകരിച്ചിരിക്കുന്നത്. ഇന്ന് രാവിലെയാണ് പാർലമെന്റ് വർഷകാല സമ്മേളനം ആരംഭിച്ചത്.
ബിജെപിയുടെ 12 എം.പിമാർക്കും വൈ.എസ്.ആർ കോൺഗ്രസിൻറെ രണ്ട് എം.പിമാർക്കും ശിവസേന, ഡി.എം.കെ, ആർ.എൽ.പി പാർട്ടികളുടെ ഓരോ എം.പിമാർക്കുമാണ് കോവിഡ് സ്ഥിരീകരിച്ചത്. സെപ്റ്റംബർ 13, 14 ദിവസങ്ങളിലായി പാർലമെന്റ് ഹൗസിൽ വെച്ചാണ് പരിശോധന നടത്തിയത്.
