ഇടുക്കി: മൂന്നാർ ചിത്തരപുരത്ത് വിഷമദ്യം കഴിച്ച മൂന്നുപേർ ഗുരുതരാവസ്ഥയിൽ. വാറ്റ് ചാരായമാണ് ഇവർ കഴിച്ചതെന്ന് സംശയിക്കുന്നു. കോലഞ്ചേരി മെഡിക്കൽ കോളജ് ആശുപത്രിയിൽ ഇവരെ പ്രവേശിപ്പിച്ചു. ചിത്തരപുരത്തെ ഒരു സ്വകാര്യ ഹോം സ്റ്റേയിലാിരുന്നു സംഭവം.
ഞായറാഴ്ചയാണ് ഇവർ മദ്യം കഴിച്ചത്. പിന്നീട് അസ്വസ്ഥതകൾ അനുഭവപ്പെട്ടതിനെ തുടർന്നാണ് ആശുപത്രിയിൽ പ്രവേശിപ്പിച്ചത്. ഹോം സ്റ്റേ ഉടമ, സഹായി, സുഹൃത്ത് എന്നിവരാണ് ഗുരുതരാവസ്ഥയിൽ ചികിത്സയിലുള്ളത്.
തൃശ്ശൂർ സ്വദേശിയായ മനോജും കുടുംബവും കഴിഞ്ഞ ഞായറാഴ്ച ഇവിടെ താമസിക്കാനെത്തിയിരുന്നു. ഇയാൾ കൊണ്ടുവന്ന മദ്യമാണ് ഹോം സ്റ്റേ ഉടമയും സഹായിയും ചേർന്ന് കഴിച്ചത്. തേനിൽ ചേർത്ത് മദ്യം കഴിച്ച് കുറച്ചുസമയത്തിനുള്ളിൽ ഇവരുടെ ആരോഗ്യ നില വഷളാവുകയായിരുന്നു. ഇവരിൽ ഒരാളുടെ കാഴ്ച നഷ്ടപ്പെട്ടതായും റിപ്പോർട്ടുണ്ട്. സംഭവത്തിൽ പോലീസ് അന്വേഷണം തുടങ്ങി.
