കണ്ണൂര്: സമരം നടത്തുന്ന പി.എസ്.സി ഉദ്യോഗാര്ഥികള്ക്കെതിരെ മന്ത്രി എംഎം മണി. സമരം നടത്തി ആരും സര്ക്കാരിനെ വിരട്ടാന് നോക്കേണ്ടെന്നും, രാഷ്ട്രീയലക്ഷ്യം വെച്ചുള്ള സമരമാണെങ്കില് നേരിടാന് അറിയാമെന്നും എംഎം മണി പറഞ്ഞു.
സര്ക്കാരിന് ഭയപ്പെടേണ്ട കാര്യമില്ല. കോഴ വാങ്ങിയിട്ട് സര്ക്കാര് ഒരു കാര്യവും നടത്തിയിട്ടില്ല, നടത്തുകയുമില്ലെന്നും അദേഹം പറഞ്ഞു. കൃത്യതയോടുകൂടിയാണ് സര്ക്കാര് ഏത് കാര്യവും ചെയ്യുന്നത്. അതിന് ന്യായങ്ങളുമുണ്ട്. ഇതൊന്നും നോക്കാതെ നിയമന ഉത്തരവ് കൊടുത്തവരാണ് രമേശ് ചെന്നിത്തലയും ഉമ്മന്ചാണ്ടിയുമെല്ലാം എന്നും മന്ത്രി പറഞ്ഞു. പറയാനാണെങ്കില് ഇനിയും കാര്യങ്ങളുണ്ട്. അതുകൊണ്ട് ഇതൊന്നും പറഞ്ഞ് ഞങ്ങളെ വിരട്ടാന് നോക്കേണ്ട. പ്രക്ഷോഭവും സമരവും നടക്കട്ടെ. താല്ക്കാലിക ജീവനക്കാരെ സ്ഥിരപ്പെടുത്തുന്നത് മനുഷ്യത്വപരമാണ്- മന്ത്രി പറഞ്ഞു.
