പാലാ: നഗരത്തിൽ മുൻസിപ്പാലിറ്റി ഓഫീസിന് സമീപം വൈദ്യുതി ലൈനിന് തീപിടിച്ചു. ഇന്ന് ഉച്ചയ്ക്ക് 12. 30 ഓടെയാണ് തീപിടുത്തം ഉണ്ടായത്.
നഗരസഭാ ഓഫീസിലേക്കുള്ള പ്രവേശന കവാടത്തിന് സമീപമുള്ള പോസ്റ്റിലാണ് തീപടർന്നത്.
ഫയർഫോഴ്സ് അധികൃതർ സ്ഥലത്തെത്തി തീയണച്ചു. തീപിടുത്തത്തെത്തുടർന്ന് സമീപത്തെ വ്യാപാരസ്ഥാപനങ്ങളിലേക്കുള്ള വൈദ്യുതി വിതരണം തടസ്സപ്പെട്ടു. ഷോർട്ട് സർക്യൂട്ടാണ് അപകടകാരണമെന്നാണ് പ്രാഥമിക നിഗമനം. എന്നാൽ നിലവാരം കുറഞ്ഞ വയറുകളാണ് തീപടരാൻ കാരണമെന്ന് ആക്ഷേപമുണ്ട്.
