കൊച്ചി: അരിക്കൊമ്പൻ വിഷയത്തിൽ ഒരാഴ്ചയ്ക്കുള്ളിൽ തീരുമാനമെടുക്കണമെന്ന് സർക്കാരിനോട് ഹൈക്കോടതി. ആനയെ എങ്ങോട്ട് മാറ്റണമെന്ന് സര്ക്കാരിന് തീരുമാനിക്കാം.
ജനങ്ങളുടെ ഭീതി കോടതിക്ക് കാണാതിരിക്കാന് ആകില്ലെന്നും ഒരാഴ്ചയ്ക്കുള്ളില് മാറ്റിയില്ലെങ്കില് പറമ്പിക്കുളത്തേക്ക് മാറ്റാമെന്നും ഹൈക്കോടതി വ്യക്തമാക്കി. അരിക്കൊമ്പനെ പറമ്പിക്കുളത്തേക്ക് മാറ്റുന്നതിനെതിരേ നെന്മാറ എം.എല്.എ. കെ. ബാബു ചെയര്മാനായ ജനകീയ സമിതി സമര്പ്പിച്ച പുനഃപരിശോധനാ ഹര്ജിയില് വാദം കേള്ക്കുകയായിരുന്നു കോടതി.
ആനത്താരയില് പട്ടയം നല്കിയതില് സര്ക്കാരിനെതിരെ രൂക്ഷവിമര്ശനമാണ് കോടതി ഉന്നയിച്ചത്. ആനയെ എങ്ങോട്ടാണ് മാറ്റേണ്ടതെന്ന് തീരുമാനിക്കേണ്ടത് സര്ക്കാരാണ്. പറമ്പിക്കുളം അല്ലാതെ മറ്റു സ്ഥലങ്ങളും പരിഗണിക്കാമെന്നും കോടതി പറഞ്ഞു.
ആനയെ പിടികൂടി കൂട്ടിലടയ്ക്കുന്നത് പരിഹാരമല്ല. അരിക്കൊമ്പനെ കൂടാതെ മറ്റ് കൊമ്പന്മാരും ഉണ്ടെന്നും കോടതി പറഞ്ഞു. ആനയെ കൂട്ടിലടയ്ക്കുന്നത് പരിഹാരമല്ല. ആനയെ പിടികൂടാന് എളുപ്പമാണ്. എന്നാല് അതിന്റെ ആവാസവ്യവസ്ഥയെ കുറിച്ച് ചിന്തിച്ചിട്ടുണ്ടോയെന്നും കോടതി ആരാഞ്ഞു.
നീന്താനുള്ള ലൈസന്സ് തന്നാല് മുതലക്കുളത്തിലേക്ക് ചാടുമോ എന്നും കോടതി പരിഹസിച്ചു. ആനകള് നാട്ടില് ഇറങ്ങാതിരിക്കാന് സ്ഥിരം സംവിധാനം വേണമെന്നും കോടതി പറഞ്ഞു. അരിക്കൊമ്പന് കേസ് ഈ മാസം 19-ന് വീണ്ടും പരിഗണിക്കും.
