പാലാ: പാലായിൽ നിന്നും തെങ്കാശിക്ക് നാളെ (08/02/2024) മുതൽ കെ എസ് ആർ ടി സി ബസ് സർവ്വീസ് ആരംഭിക്കുന്നു. മാണി സി കാപ്പൻ എം എൽ എ യുടെ ശ്രമഫലമായിട്ടാണ് പുതിയ സർവ്വീസിനു കെ എസ് ആർ ടി സി തുടക്കമിടുന്നത്.
എല്ലാ ദിവസവും വൈകിട്ട് 3 മണിക്കു പാലായിൽ നിന്നും സർവ്വീസ് ആരംഭിക്കും. ഈരാറ്റുപേട്ട, കാഞ്ഞിരപ്പള്ളി, എരുമേലി, പത്തനംതിട്ട, പുനലൂർ, ചെങ്കോട്ട വഴി തെങ്കാശിയിൽ എത്തും. 213 രൂപയാണ് ചാർജ്. പിറ്റേന്ന് വെളുപ്പിന് 6.30ന് തെങ്കാശിയിൽ നിന്നും തിരികെ പാലായ്ക്ക് പുറപ്പെടും.
പുതിയ സർവ്വീസിൻ്റെ ഫ്ലാഗ് ഓഫ് നാളെ (08/02/2024) രാവിലെ എട്ടിന് പാലാ കെ എസ് ആർ ടി സി ഡിപ്പോയിൽ മാണി സി കാപ്പൻ എം എൽ എ ഫ്ലാഗ് ഓഫ് ചെയ്യും.
